සාතන්ගේ මෙහෙකරුවෝ

සාතන්ගේ මෙහෙකරුවෝ

_______________

ඕ දාර්ශනිකය...

සාතන්ට කව් පබදින...

මතුරන දෙතොල් මත

විටෙක කෙස් කඩමින...

කියන..

ගලවා ගනු මැනව ලෝකය

තනනු මැන මන්දිර මහා මාවත්...

පා ඇගිලි අතරින් මිරිකෙන කෑ ගසන..

පණුවන් මැඩ..

පොලෝ පලා එනු මැන

මා ගවසමි මල් ගෙල

අර බලන්න

දනන් ඇසිපිය නොසලන

අප පසුපසම එන

දාර්ශනිකය.. ඉදින් නිදන්න..

සිහින බලන්න..

නොනැගිටින්න

ස්වාමියා සන් කරන තුරු..

නැගිටින්න

නුඹටත් අහිමි

නුඹේ දාර්ශනික වැකිවලින් බිහිරි ව

තන නිල්ල මත නිල් අහස යට

අමළ සොම්බිලන්තයකට

©ඩිලන්ත පණ්ඩුක රත්නායක

2018 සැප්තැම්බර්